Ծառայություններ

Թղթային փաստաթղթերի հոսքի մեծագույն մասը կազմում են հաշվապահական փաստաթղթերը: Դրանք կազմում են ընդհանուր ծավալի մոտավորապես 80%-ը: Գոյություն ունեն հաշվապահական փաստաթղթերի պահպանման ժամկետների որոշակի սահմանափակումներ` մշտական և ժամանականավոր պահպանման փաստաթղթեր:

Ցանկանում եք բարձրացնել Ձեր ընկերության արտադրողականությունը: Այդ դեպքում սկսեք փաստաթղթաշրջանառության համակարգի վերակազմակերպումից և ավտոմատացումից: Ընկերությունում կադրային գործավարության ժամանակակից համակարգը նորարար տեխնոլոգիաների կիրառմամբ կարող է էականորեն բարձրացնել Ձեր ընկերության արտադրողականությունը: OSG-ի մասնագետները կվերլուծեն Ձեր գործող համակարգը և կկատարելագործեն այն, ինչը կտա Ձեզ մրցակցային առավելություն:

e-Արխիվ ստեղծելիս յուրաքանչյուր փաստաթուղթ սկանավորելուց հետո ինդեքսավորվում է: Ամեն օր OSG-ն սկանավորում է ավելի քան 2 000 000 փաստաթուղթ, և որպեսզի Դուք արագորեն կարողանաք օգտվել e-Արխիվի բոլոր առավելություններից, փաստաթղթերի մի մասի համար մենք կիրառում ենք տվյալների ավտոմատ ճանաչման համակարգեր: Հատուկ Ձեր փաստաթղթերի տեսակի համար OSG-ի ծրագրավորողները կարգավորում են փաստաթղթերի սկանավորման պրոֆիլը` այդ տեխնոլոգիան կիրառելու հնարավորությամբ, ինչի օգնությամբ մենք ավտոմատ կերպով սահմանված դաշտերից դուրս ենք բերում տվյալները:

OSG-ն ունի սեփական սուրհանդակային ծառայությունը, որը հավաքում և առաքում է Ձեր փաստաթղթերն ու ժապավենները աշխարհի ցանկացած կետ: Մեր վարորդները կրում են արտահագուստ և ունեն անձը հաստատող փաստաթուղթ: Նրանք լավ պատրաստված են և հասկանում են Ձեր փաստաթղթերի և ժապավենների` ժամանակին և ապահով առաքման կարևորությունը: Փաստաթղթերը սկանավորվում են ստանալուց և հանձնելուց, այդ պատճառով Դուք միշտ գիտեք դրա հստակ գտնվելու վայրը և ծանուցումներ եք ստանում դրանց հետ կատարվող գործողությունների ստուգման և հաստատման համար:

Փաստաթղթերի արխիվային մշակումը ծառայությունների կոմպլեքս է, ինչի արդյունքում ընկերության փաստաթղթերը կարգավորված են, ցուցակագրված են, ձևավորված են գործերի մեջ: Փաստաթղթերի արխիվային մշակումը կազատի Ձեզ այնպիսի դժվարություններից, ինչպիսին է այն փաստաթղթերի որոնումը, որոնք Ձեզ կարող են շտապ անհրաժեշտ լինել հաճախորդների և պոտենցիալ հաճախորդների հարցումներին պատասխանելու, զանգեր և գնումներ կատարելու համար, տենդերներին մասնակցելու, հաշվետվություն կազմելու, համեմատություններ անցկացնելու, տարբեր հարկային ստուգումներ անցկացնելու, աշխատակիցներին սոցիալական և օրենսդրական բնույթի տեղեկանքներ տրամադրելու համար:

Ըստ գործող օրենսդրության և նորմատիվ ակտերի` սահմանված է փաստաթղթերի ստեղծման, գրանցման, պահպանման, ինչպես նաև Ազգային արխիվ դրանք հանձնելու հստակ կարգ: Այդ բավականին բարդ և աշխատատար գործընթացն իրավունք ունի կատարել միայն արխիվային գործի դիպլոմավորված մասնագետը: OSG-ի մասնագետներն ունեն փաստաթղթերի արխիվային մշակման ամբողջ գործընթացի իրականացման և ծառայությունների մատուցման համար անհրաժեշտ որակավորում: Շնորհիվ պրոֆեսիոնալ մոտեցման` բոլոր փաստաթղթերը մատուցվում են ժամանակին և օրենսդրությանը համապատասխան:

Թղթային կրիչների վրա ցանկացած ինֆորմացիայի պահպանումն այսօր ոչ միայն ժամակավրեպ է, այլև անապահով: Այդ պատճառով, ինչպես առօրյայում, այնպես էլ կազմակերպության աշխատանքներում ընկերություններն տեղեկատվության պահպանման և տեղափոխման համար առավելապես օգտագործում են տարբեր տեսակի մագնիսական և օպտիկական կրիչներ: Դրանց անվտանգ պահպանումը փաստաթղթերի պահպանումից պակաս կարևոր չէ: Այդ պատճառով, եթե Ձեր ՏՏ բաժինը տվյալների ռեզերվային կրկնօրինակման համար օգտագործում է մագնիսական կրիչներ, ապա Ձեզ պետք է պահպանել այդ կրիչները հատուկ մագնիսական կրիչների պահպանման համար նախատեսված չհրիկիզվող սենյակներում` գրասենյակից դուրս: Դա նշանակում է, որ հրդեհի, ջրհեղեղի կամ համակարգի խափանման դեպքում Ձեր տվյալներն ամբողջությամբ կվերականգնվեն: Կոշտ և մագնիսական սկավառակների, ինֆորմացիայի այլ կրիչների պահպանումն OSG-ում ապահովում է կրիչների բարձր անվտանգություն:

Տարեկան հաշվետվությունը կազմելիս բոլոր ընկերություններն անցկացնում են հիմնական միջոցների գույքագրում: Հիմնական միջոցների, դրանց արժեքի և գտնվելու վայրի հաշվառումը աշխատատար գործ է: OSG-ն առաջարկում է հիմնական միջոցների գույքագրման պրոֆեսիոնալ ծառայություններ: Մեր ընկերության մասնագետները կօգնեն Ձեզ խնայել թանկարժեք ժամանակը:

Տարատեսակ նորմատիվ ակտերն ու կորպորատիվ գործընթացները ենթադրում են բազմաթիվ թղթային փաստաթղթերի, օրինակ` պայմանագրերի, անձնական գործերի, ֆինանսական թղթերի պարտադիր երկարատև պահպանում արխիվներում:

Ձեր փաստաթղթերը Ձեր կազմակերպության հարստությունն է: Վստահ եղեք, որ փաստաթղթերն ապահով պաշտպանված են ինչպես պահպանման ժամանակ, այնպես էլ դրանց տեղափոխման ժամանակ: Փաստաթղթերը պաշտպանված են նաև դրանք մեքենայի մեջ բեռնման ժամանակ, անկախ նրանից` քամի է, անձրև, թե ձյուն, քանզի OSG արկղի նյութն ու կառուցվածքը գերազանց դիմանում են փաստաթղթերի ֆիզիկական պաշտպանության խնդիրների կատարման փորձությանը:

Եթե Ձեր աշխատակիցներն առանց մտածելու նետում են կարևոր փաստաթղթերը սովորական աղբամանի մեջ, Դուք ենթարկվում եք մեծ ռիսկի: Ձեզ և Ձեր հաճախորդներին վերաբերող գաղտնի տեղեկատվությունը կարող է հայտնվել սխալ ձեռքերում: Դա, անկասկած, վատ կանդրադառնա Ձեր ընկերության հեղինակության և ֆինանսական անվտանգության վրա: OSG-ն հավաքում և ոչնչացնում է հաշվապահական և այլ փաստաթղթեր` այդպիսով իսկ ապահովելով Ձեր անվտանգությունը:

Ընկերության բիզնես գործընթացների օպտիմալացման կարևոր քայլերից է փաստաթղթերի սկանավորումը: Միայն կարգավորելով արխիվը և ստեղծելով փաստաթղթերին հասանելիության հարմար համակարգ` կարելի է ապահովել ընկերության արդյունավետ և հաջող աշխատանք: